Ընդունեք անկեղծ շնորհավորանքներս արտահերթ խորհրդարանական ընտրություններում «Ենի Ադրբեջան» կուսակցության հաղթանակի առթիվ: Մեր պետությունների միջեւ ռազմավարական համագործակցության հետագա ամրապնդման հույս ունեմ, ասվում է Ալիեւին Պուտինի շնորհավորական ուղերձում:
Պուտինն Ալիեւին եւ նրա զինակիցներին նորանոր հաջողություններ է ցանկացել:
Պուտինի շնորհավորական ուղերձում էական է անկեղծ բառը: Եթե Պուտինը պարզապես շնորհավորեր, Ալիեւին կարող էր թվալ, թե նա հեգնում է իրեն, որովհետև բոլորն էլ գիտեն, թե ինչպիսի «հաղթանակ» է եղել այն:
Միեւնույն ժամանակ, Պուտինի ուղերձում բացակայում են ազատ ընտրություններ, ժողովրդավարություն եւ նման այլ բառերը: Նա շնորհավորում է հենց հաղթելու հանգամանքը, կարեւոր չէ՝ թե ինչպես, ինչը խիստ հոգեհարազատ է Ռուսաստանի Դաշնության նախագահի կենսափիլիսոփայությանը:
Միեւնույն ժամանակ, Պուտինի անկեղծությունն ունի այլ պատճառ: Բանն այն է, որ ընտրության նախօրեին ԵԽ-ն ընդունեց Ադրբեջանում քաղբանտարկյալների մասին բանաձեւը:
Բացի դրանից, Եվրախորհրդարանը եւ Ամերկայի Միացյալ Նահանգները խիստ գնահատականներ տվեցին խորհրդարանի արտահերթ ընտրությանը:
Մանրամասները դիտեք տեսանյութում՝