Իրական օրակարգը եղել եւ մնում է նոր Սահմանադրության ընդունման գործընթացը
Մեր զրուցակիցն է քաղաքագետ Սարո Սարոյանը
Պարոն Սարոյան, ապրիլի հինգին Հայաստանում տեղի է ունենալու սահմանադրական հանրաքվե։ Իշխանություններն ասում են, որ սա խնդիրների խնդիրն է։ Դուք ի՞նչ եք կարծում։ Եվ ինչպե՞ս եք գնահատում տեղի ունեցող զարգացումները։
Ես համաձայն չեմ այդ տեսակետի հետ և համարում եմ, որ խնդիրն այն է, որ 2018թ․ հեղափոխությունից հետո ներկայիս վարչախումբը քաղաքական գործընթացները ուղղորդեց այլ ուղղությամբ։
Արդյունքում այդ գործընթացները չընթացան երկրի առջև ծառացած առանցքային խնդիրները համակարգված եւ հիմքից լուծելու ճանապարհով։
Իրական օրակարգը եղել ու մնում է նոր Սահմանադրության ընդունման գործընթացը, որն էլ հենց հիմքից գործարկվող պետականաշինությունն է։
Երկրում հեղափոխություն է եղել, մենք էվոլյուցիոն ճանապարհը, իհարկե, մերժել ենք, ու հնարավոր չէր կիսաքայլերով զանազան ոլորտներում ու տարածքներում բռնկվող «հրդեհները» հանգցնել։
Մանրամասները դիտել ստորև՝ տեսանյութում։