Դավիթ Ջալալյանը իր ֆեյսբուքյան էջում գրել է.

Փետրվարի 25-ը՝ պատմական օր․«Սիամական զույգի» նստելու բացառիկ սիմվոլը

Երևան քաղաքի ընդհանուր իրավասության դատարանում քննվող Ռոբերտ Քոչարյանի ու մյուսների գործով փետրվարի 18-ի նիստը հետաձգվեվել էր Յուրի Խաչատուրովի թարգմանչի բացակայության պատճառով։ Նախագահող դատավոր Աննա Դանիբեկյանը դատական գալիք նիստը նշանակել էր փետրվարի 25-ին։

Նախօերին պարզ դարձավ, որ Պետական բյուջեից մոտ կես միլիարդ դրամի հափշտակություն կազմակերպելու մեջ մեղադրվող Սերժ Սարգսյանի գործով առաջին դատական նիստը նույնպես նշանակվել է փետրվարի 25-ին: Նիստը կկայանա Նոր Նորքի ընդհանուր իրավասության դատարանում, դատավոր Վահե Միսակյանի նախագահությամբ:
Եվ ստացվում է, ըստ էության զուգադիպության արդյունքում, անկախ Հայաստանի պատմության մեջ առաջին անգամ, մեր պետության նախագահի պաշտոնները զբաղեցրած անձինք սույն օրը կնստեն մեղադրյալի աթոռին։ Փետրվարի 25-ը այսուհետ կլինի պատմական օր։

Ոմանք այն տեսակետին են, որ Հայաստանի համար ամոթալի է, երկու նախագահները այսօր մեղադրյալի կարգավիճակում են։ Չհամաձայնվելով ամոթալի որակմանը, այնուամենայնիվ կարձանագրեմ, որ երկու հանցագործ նախագահ ունենալը ցավալի իրողություն է ցանկացած պետության համար։

Էլ ավելի ցավալի է, երբ նախագահի պաշտոնը զբաղեցրած անձանց ամբադտանյալի կարգավիճակի փաստով ի լուր աշխարհի իր մտահոգությունն է հայտնում թշնամի երկրի նախագահը։
Ադրբեջանի նախագահ Իլհամ Ալիևը վստահ է, որ Ռոբերտ Քոչարյանը քաղբանտարկյալ է, իսկ Սերժ Սարգսյանի դեմ հարուցված քրեական գործը նույնպես քաղաքական դրդապատճառներ ունի:

Դրա վերաբերյալ Ադրբեջանի նախագահը հայտարարել էր փետրվարի 5-ին Բաքվում` Թուրքիայի արտաքին գործերի նախարար Մևլութ Չավուշօղլուի հետ բանակցությունների ժամանակ:
«Հայաստանի նախկին նախագահը այժմ ավելի քան մեկ տարի է ինչ կալանքի տակ է:

Առավել մանրամասն դիտեք տեսանյութում.