Կորոնավիրուսը գնալով տարածվում է ողջ աշխարհով մեկ։ Վարակի օջախները մեկը մյուսի ետևից հայտնվում են զանազան երկրներում։ Արդեն իսկ հիվանդությամբ վարակվածներ հայտնաբերվել են, թե՛ եվրոպայում, թե՛ մեր տարածաշրջանում։
Հիվանդության կանխարգելման պատճառով շատ երկրներ հրաժարվում են մեծածավալ համերգների անցկացումից կամ մրցաշարերից, որոնք կարող են մեծ քանակով տուրիստների ընդունելության պատճառ հանդիսանալ կամ առհասարակ փակում են սահմանները վարակի վտանգ հանդիսացող երկրների հետ։
Հմաճարակը այս ընթացքում դարձել է համաշխարհային ֆինանսական եւ առևտրային մեծ ու խորացող ճգնաժամի պատճառ։ Վերջին ժամանակահատվածում, բացի Չինաստանից, որ միլիարդավոր դոլարների վնաս է կրել, մեկը մյուսի հետևից խոշոր ընկերություններն ու գործարարները բարձրաձայնում են կորոնավիրուսի հետևանքով կրած միլիոնավոր դոլարների վնասիների վերաբերյալ։
Բայց այս ամենի մեջ , իհարկե, կարևորվում են մարդկային անմեղ կյանքերն ու տուժողների հարազատների ցավը։ Շատ հայտնի աստղեր սկասել են իրենց օգնության ձեռքը մեկնել կամ գոնե կոչերով ու մխիթարական խոսքերով իրենց աջակցությունը ցուցաբերել կորոնավիրուսից տուժածներին ու նրանց հարազատներին։
Այսօր նման մի հորդորով է հանդես եկել նաև հանրահռչակ Քիմ Քարդաշյանը։ Նա իր միկրոբլոգում լուսանկար է հրապարակել, որին կից գրել է․ «Հոգ տանեք բոլորին, coronavirus COVID 19- ը տարածվում է ողջ աշխարհում: Համոզվեք, որ ձեռքերը շատ հաճախ լվանում եք և միշտ օգտագործեք ալկոհոլի վրա հիմնված ձեռքի մանրեազերծ քսուկներ: Դուրս գալիս օգտագործեք դեմքի դիմակ: Բացի այդ, խուսափեք մարդաշատ տեղերից»։