«Երբ դուք բաց եք թողնում, դեպի ձեզ է վերադառնում լավագույնը». Շրի Ռավի Շանկարի 7 անգին խորհուրդները

Շրի Շրի Ռավի Շանկարը հնդիկ գուրու է և հասարակական գործիչ, «Կյանքի արվեստ» միջազգային կազմակերպության հիմնադիրը, բարի կամքի դեսպան և Նոբելյան մրցանակի եռակի թեկնածու։

Նա հայտնի է իր խաղաղարարական գործունեությամբ, որով զբաղվում է ավելի քան քառասուն տարի և որոնց շնորհիվ բազում երկրների ավելի քան երեսուն բարձրագույն կառավարական մրցանակների և կոչումների է արժանացել

1982 թվականին Շրի Շրի Ռավի Շանկարն առաջարկեց Սուդարշան Կրիա շնչառական տեխնիկան, որը նպաստում է ֆիզիկական, մտավոր և զգայական վիճակի բարելավմանը։

Վարպետի կարծիքով, յոգայով զբաղվելը սթրեսից ազատվելու համար միայն 1-ին քայլն է։ 2-րդը դա առողջ լինելն է, 2-դը՝ երջանիկ, 4-րդը անվերապահ սեր տածելն է։

EnterTrain-ը առաջարկում է ծանոթանալ աշխարհահռչակ գուրուի կյանքի 7 խորհուրդներին, որոնք կպարուրեն ձեզ դրական էներգիայով, սիրով և լավատեսությամբ։

1. Պետք չէ ոչ մի տեղ շտապել։ Պետք է լինել այնտեղ, որտեղ քեզ լավ է։ Եթե զգում ես, որ այնտեղ չես, որտեղ պետք է լինեիր, վեր կաց և գնա այնտեղ, ուր կանչում է ներքին ձայնդ։

2. Մի ձգտիր վերահսկել մարդկանց և իրադարձությունները։ Մի ծրագրիր, մի սպասիր, մի ցանկացիր․ կարողացիր դիմանալ դադարին, որի ընթացքում ոչինչ տեղի չի ունենում։ Թույլ տուր, որ մարդիկ իրենք գան քեզ մոտ, իսկ դեպքերն էլ իրենք իրենց տեղի ունենան։ Դրանք հենց այնպես չեն պատահում քեզ հետ։

3. Ազատություն տուր ինքդ քեզ և ուրիշներին՝ լինելու այնպիսին ինչպիսին կաք։ Հիշիր, որ յուրաքանչյուրն իր ուղին ու իր դասերն ունի։ Եթե ձեր ուղիները հատվում են, հոյակապ է, սակայն եթե դրանք բաժանվում են, ապա դա էլ է լավ, որովհետև ամեն ինչ ի բարին է տեղի ունենում։

4. Մի ձգտիր ամեն ինչ միանգամից ունենալ։ Նույնիսկ երբ թվում է, թե ոչինչ չկա, միշտ ինչ-որ բան կա, իսկ ինչը չի հերիքում, քեզ կտա ընկերոջ, եղբոր, քրոջ, ոչ պատահական անցորդի պարզած ձեռքը։ Չափավոր եղիր ամեն ինչում։

5. Ժպիտով և սիրով դիմավորիր ամեն ինչ և բոլորին։ Սակայն երբեք հրաժեշտ մի տուր, քանի որ ոչինչ վերջնական չէ։ Ասա «շնորհակալություն և մինչ հանդիպում»։

6. Բաց եղիր մարդկանց, տիեզերքի, Աստծո նկատմամբ։ Հավատա, քո կյանքում ամեն բան քեզ համար լավագույն ձևով է դասավորվում։ Նույնիսկ այն ժամանակ, երբ թվում է, թե դրանից վատ էլ հնարավոր չէ․․․ Երբեք չես իմանա, թե որտեղ կգտնես, որտեղ՝ կկորցնես։

7. Քանի դեռ չես սովորել կառավարել թիակները, անօգուտ է մակույկդ փոխելը։ Որքան հաճախ են մեր կյանքում լինում պահեր, երբ ցանկանում ես ամեն բան թողնել և նորից սկսել։ Ամեն ինչ էլ պատահում է, երբեմն իրոք ավելի լավ է ամեն բան թողնելը և զրոյական վիճակին վերադառնալն ու սկզբից սկսելը։ Միայն թե նախքան զրոյական վիճակին վերադառնալն ու մակույկը փոխելը, մտածիր՝ արժե՞ արդյոք։ Միգուցե քո խնդիրը կարելի է լուծել առանց կյանքը հիմնովին փոխելու։ Ամեն բան ջնջելը շատ ավելի դյուրին է, իսկ ուղին շարունակելը՝ ավելի դժվար։

Добавить комментарий

Ваш адрес email не будет опубликован. Обязательные поля помечены *