Հիշեցնենք, որ մարտի 16-ին Կառավարության արատահերթ նիստում Արդարադատության նախարար Ռուստամ Բադասյանը ներկայացրել էր  Արտակարգ դրություն հայտարարելու վերաբերյալ օրենքի նախագիծը:

Ըստ այդմ՝ Հայաստանի հանրապետությունում կառավարությունը որոշում է կայացրել ՀՀ ամբողջ տարածքում 2020 թվականի մարտի 16-ից՝ ժամը 17:00-ից սկսած մինչև 2020 թվականի ապրիլի 16-ը՝ ժամը 09:00-ն հայտարարել արտակարգ դրություն:

Առողջապահության համաշխարհային կազմակերպությունը /ԱՀԿ/ տեղեկացրել է, որ կորոնավիրուսի տարածումը ձեռք է բերել համաճարակի բնույթ, այն է՝ անսովոր ուժեղ համաճարակ :

Փորձեք հնարավորինս իրազեկվել՝ պահպանելով ձեր ու ձեր հարազատների առողջապահական անվտանգությունը:
Մինիմալ հիգիենայի կանոններն են.

1. Հնարավորին չափ խուսափեք մարդաշատ վայրերից.

2. Մարդաշատ վայրերում գտնվելու պարագայում՝ փորձեք պահպանել ամենաքիչը մեկ մետր հեռավորություն մարդկանցից, կրել դիմակ, մեկանգամյա օգտագործման բժշկական ձեռնոց, ակնոց.

3. Մարդկանց ու մակերեսների հետ շփումներից այնուհետև ախտահնեք ձեռքերը՝ լվացվելու և/կամ մանրէները ոչնչացնող հեղուկի միջոցով.

4. Վարակի հարուցիչները երեք օր պահպանվում են հագուստի վրա՝ հասարակական վայրերում գտնվելուց այնոպհետև լվացրեք կրած հագուստը.

5. Հաճախակի օդափոխեք բնակարանը.
6. Ախտահանեք հաճախակի օգտագործվող մակերեսները՝ հեռակառավարման վահանակներ, հեռախոսներ, դռների, պատուհանների բռնակներ ու այլն:

Երեկ Պատգամավոր Նարեկ Մկրտչյանի նախաձեռնությամբ՝ անվճար բաժանվել են ալկոգել , սպիրտ և դիմակներ.

Տեսանյութը դիտեք ստորև.