Երեկ՝ կեսգիշերից, մարդկանց արգելվել է առանց կարևորության, կենսական նշանակության պատճառի տնից դուրս գալ։
Այս վարկերի թեման ամենամեծ ֆինանսական տագնապ առաջացնող թեմաներից մեկն է հասարակության մեջ և դա հաշվի առնելով՝ ես դեռ առավոտյան շրջանառության մեջ եմ դրել նախագիծ, որը փոփոխություն է նախատեսում արտակարգ դրության մասին օրենքում։
Եւ քաղաքացիական օրենսգրքում, որպեսզի օրենքի ուժով կարգավորվի վարկային արձակուրդ տրամադրելու հարցը արտակարգ իրավիճակից բխող, արտակարգ իրադրություն հայտարարելու ժամանակահատվածում,- նշում է պատգամավորներից մեկը։
-Ես դեմ եմ նման որոշումներին շատ պարզ պատճառով․ իսկ եթե մարդը անպարտաճանաչ պարտնյոր է, իր պարտավորությունները չի կատարում, մի հատ էլ արձակուրդ ենք տալիս, ասում ենք լավ, մի երկու ամիս էլ մի կատարիր․ սա առաջին իրավիճակը։
Իսկ կներեք, այսօր բնականոն աշխատող մարդկանց, որոնք բիզնես են անում, օրինակ դիմակ կամ ալկոգել են վաճառում, ինչի՞ պետք է վարկային արձակուրդ տամ,- նշեց վարչապետ Նիկոլ Փաշինյանը։
Մանրամասները դիտեք տեսանյութում՝