Ժամեր անց Երեւանում վայրէջք կկատարի պարետատան նախաձեռնած հատուկ չվերթով Չինաստանից Հայաստան տեղափոխվող Հայաստանի Հանրապետության պետական միջոցների հաշվին ձեռքբերված, Չինաստանի պետական մարմինների, ինչպես նաեւ հայ եւ չինացի բարերարների կողմից նվիրաբերած բժշկական պարագաների եւ սարքավորումների խմբաքանակը:

Այս մասին Facebook-ի իր էջում գրել է ՀՀ փոխվարչապետ, պարեն Տիգրան Ավինյանը:

Նա, մասնավորապես, հավելել է. հարյուր քսան հատ թոքերի արհեստական օդափոխման սարքեր, երկու թթվածնի մատակարարման կայան, 60 000 հատ թեստ, 60 000 հատ բժշկական դիմակ, 280 000 հատ պաշտպանիչ դիմակ, 20 000 հատ պաշտպանիչ ակնոցներ, 100 000 հատ պաշտպանիչ արտահագուստ, ինչպես նաեւ դեղամիջոցներ:

Տվյալ չվերթով Հայաստան են ժամանելու նաեւ օրեր շարունակ Չինաստանում Հայաստանի դեսպանությունում բնակվող Հայաստանի Հանրապետության երկու քաղաքացիներ, ովքեր անցնելու են տասնչորսօրյա կարանտինային ռեժիմ:

Շնորհակալություն ենք հայտնում Չինաստանի կառավարությանը՝ թռիչքի իրականացմանն աջակցելու նպատակով, ինչպես նաեւ գործընթացում ներգրավված գերատեսչություններին: Առանձնահատուկ շնորհակալություն թռիչքը իրականացրած օդաչուներին եւ Չինաստանում ՀՀ դեսպանությանը: