Քսան տարի տեսել ենք պալատական խարդավանքներ, վախ ու քծնանք… «գործ տալ», շեֆի ականջին փսփսալ… Լյովա Եղիազրյանի կոշտ գրառումը
Լյովա Եղիազարյանը ֆեյսբուքյան իր էջում գրառում է կատարել․ Քոչարյանասերժական ռեժիմի բուրգի էական սկզբունքներից է եղել «գործ տալը», մեկը մյուսի վրա «բոչկա» գլորելը, անանուն նամակ գրելը, շեֆի ականջին փսփսալը և այլն:
Վախկոտությունից մինչև շողոքորթություն կես քայլ է, շողոքորթությունից մինչև դավաճանություն կես քայլ է: Քսան տարի այս բանաձևն է գործել: Ընկերոջը, հարազատին, բարեկամին դավաճանելով պաշտոն են ձեռք բերել: Փայ մտնելու համար վերևներում
վարկաբեկել ու տրորել են մրցակցին:
Քսան տարի տեսել ենք պալատական խարդավանքներ, վախ ու քծնանք: Հիմա եկել «գործ» տալուց են խոսում: «Գործ տալուց» են խոսում մարդիկ, որոնք ոստիկանության ու ԱԱծ-ի գործակալներ են: «Գործ տալուց» են խոսում Ռուսաստանի հլու-հնազանդ հպատակները,
իրենց տերերին «դանոս» հասցնողները: Վերջապես, «գործ տալուց» են խոսում մարդիկ, որոնց երակներում հոսում է «գործ տվող» իրենց նախնիների արյունը: