Էդ վազեվազ շնորհավորանքի հեղինակը չգիտեմ ով է, գուցե սերժիկյան չբարեփոխված ԱԳՆ ինչ-որ մի գիտունիկ դինամիտ, բայց․․․ Լևոն Բարսեղյանի անդրադարձը

Լևոն Բարսեղյանը ֆեյսբուքյան իր էջում գրել է․

Եթե ինչ-որ մեկը մնացել է դեռ, որ գլխի չի ընկել՝ ինչու են հազարավոր մարդիկ դժգոհում Հայաստանի դեմ գործողություններով եւ հայտարարություններով աչքի ընկած, ընտրությունները մերոնցից ոչ պակաս վարպետությամբ կեղծած բռ նակալ Լուկաշենկային շնորհավորելուց, բացատրեմ հնարավորիս կարճ:

Դիվանագիտական լեզվով այդ շնորհավորանքը աջակցություն է նրան, ում շնորհավորում են: Դա հարուցում է մեր դժգոհությունը, երբ հիշում ենք, որ շնորհավորողը ոչ թե Սերժիկի նոմենկլատուրային կաբինետից շարքային մեկն է, այլ նա, որ առաջնորդեց Հայաստանի հեղափոխությունը բռ նապետության դեմ, որը ելել էր քաղաքական այլանդակությունների դեմ, ազատ եւ արդար ընտրությունների համար էր պայքարում տասը տարուց ավելի, բանտեր էր նստում, չէր նահանջում, ու չէր շնորհավորում 2007, 2008, 2012, 2013, 2017 թվերի ընտրակեղծարարներին,

որը Մարտի մեկ էր տեսել եւ շատ լավ պատկերացնում էր գարշելի կառավարման կերպարը: Այդ մարդը վերցնում եւ աջակցություն է հայտնում սերժիկից ու ռոբիկից ոչ պակաս բռ նապետին: Էլի բարդ եմ բացատրու՞մ, թե՞ բոլորդ դիվանագիտության ակադեմիկոս եք, դժգոհողներս էլ տգետ ու տհաս: Կներեք, բայց քաղաքականությունը հարմարվողականություն լինելու հետ մեկտեղ հնարավորի մշակույթ է ուզածին հասնելու համար:

Ես չգիտեմ ինչ է ստանալու Հայաստանը էդ աջակցության համար, սակայն եթե կա մեկը որ գիտե, պարզ ասեք հասկանանք, ասենք՝ այ խելացի, այ փայլուն ու պայծառ քայլ արեց, որ աջակցեց Հայաստանի դեմ բազմիցս թշնամական վերաբերմունքով աչքի ընկած բռն ակալին: Էդ շնորհավորանքը կեղծավոր բան էր, երկակի ստանդարտի դրսեւորում: Ես չեմ ասում, թե քֆրտել էր պետք կեղծարարության համար, այլ ընդամենը հարկավոր էր համբերատար լինել,

մեջտեղ չելնել ու չխայտառակվել ազատությունների համար պայքարողների ու դա հասկացողների առաջ: Չեմիչէ ժողովրդավարության միջնաբերդ, լիքը մարդ մեկ օր է չի հասկանում, թե ինչը ստիպեց Նիկոլին այդպես հապշտապ աջակցություն հայտնել սալդաֆոնին, մարդիկ, որ կյանք են դրել Հայաստանում բռ նապետական համակարգը քանդելու համար, ապշած են: Էդ վազեվազ շնորհավորանքի հեղինակը չգիտեմ ով է, գուցե սերժիկյան չբարեփոխված ԱԳՆ ինչ-որ մի գիտունիկ դինամիտ, սակայն պատասխանատուն ակնհայտորեն Նիկոլն է:

Ցավոք, էդ աջակցությունը եկավ արդարացնելու մեր երկրում եղած բոլոր ընտրակեղծիքներն ու հարակից հան ցագործությունները:
Հազար ափսոս: Խնդրում եմ ցածը ինձ դիվանագիտության եւ քաղաքականության վարպետության դասեր չտալ, ես եթե լսեի էդ դասատուներին, Սերժիկը հիմա Բաղրամյան-26-ում կլիներ, իսկ ես բանտում:

Добавить комментарий

Ваш адрес email не будет опубликован. Обязательные поля помечены *