Դավիթ Սանասարյանը գրում է.
Պատմությունից դասեր քաղե՞լ ենք: Դժվար օրերին կարևոր է, որ դիմանանք ու վստահությունը չկորցնենք մեր ուժերի, մեր միասնականությունից ծնված հաջողության հանդեպ։
Կարևոր է, որ հասկանանք ու չմոռանանք մի պարզ ճշմարտություն. մեր երկրի տերը մենք ենք, մեր անվտանգության երաշխավորը մեր բանակն է, մեր երկնքի խաղաղությունն ապահովողը մեր քաջերն են։ Կարևոր է, որ չընկնենք մոլորության մեջ, այլ փրկիչներ ման չգանք ու
չփորձենք ազատության, անկախության երգը օտարի դուդուկի ներքո երգել։ Կարևոր է, որ օրհասական պահերին առանձին իշխաններ չխաղանք, օտարին չքծնենք և թիկունք լինենք երկրի ղեկավարին։ Մենք այս դասերի համար անչափ
թանկ ենք վճարել ու վճարում. նորից սովորելու ռեսուրս ու ժամանակ չունենք։ Տվյալ պատերազմում հաղթելու է այն կողմը, ով ավելի շատ ու երկար է հավատում հաղթանակին։ Մենք հավատում ենք ու հավատալու ենք, մենք հաղթելու ենք։