Tert.am-ը գրել է. Թուրքիայում իշխող «Արդարություն ու զարգացում» կուսակցությունից նախկին պատգամավոր Օրհան Միրօղլուն, որը նաև կուսակցության Կենտրոնական որոշումների գործադիր խորհրդի անդամ է, առաջ է քաշել այն տարօրինակ տեսությունը, որ Ամերիկայի նախագահ Ջո Բայդենն իրականում քուրդ է,
հայտնում է ahvalnews.com թերթը… Միրօղլուն իր թվիթերյան էջում գրառում է կատարել. «Քուրդ մի ընկեր, որի հետ վերջերս խոսեցի, նշեց, որ չնայած դժվար է հավատալ, որ դա լուրջ է, սակայն դժվար չէ կռահել, թե որն է նպատակը: Ինչ-որ մեկն ասել է, որ Բայդենի իսկական անունը Չիմոյե Բահաթթին Աղա է: Նա սերում է
քրդական ընտանիքից, որը Երևանից Ամերիկա է գաղթել ու ծագումով Բիրուկի ցեղից է»: Աղբյուրը նկատում է, որ հայտնի մարդականց էթնիկ ծագման մասին անհավատալի պնդումները տարիներ շարունակ տարածված են եղել Թուրքիայում: Նման քննարկում է ծավալվել նաև Շեքսպիրի շուրջ, որի անվան
ծագումնաբանությունը Թուրքիայում բացատրվում էր որպես Շեյխ Պիր: Հիշեցնենք, որ Բայդենը երկար ժամանակ հարաբերություններ է ունեցել քրդական խմբերի հետ: 2003 թվականին նա դիմել է Իրբիլի քրդական խորհրդարանին ՝ ասելով, որ «սարերը ձեր միակ ընկերները չեն»: