Բարև Ձեզ։ Կեղծ լուրերի ինդուստրիան այլևս այնպիսի իրողություն է, ինչպիսին հայկական հակամշակույթը գլխավորող սերիալները։
Եթե հոգիներ ամայացնող սերիալներին հարմարվեցիք, կհարմարվեք նաև պարտադրվող սուտ իրականությանը, որի քաղաքական դոպինգը սկսել են տարածել կործանարար չափաբաժինով այն պետության դեմ, որին այդ թույնը տարածողներն են ամենաշատը հայրենիք կոչում։
Ասեք, ինչով է տարբերվում Հայաստանի ղեկավարի դեմ սուտ լուր տարածող հայը, հայուհու հետ էթնիկ պատճառով երգելուց հրաժարված ադրբեջանցուց։ Այո, երկու դեպքն էլ հոգևոր անվտանգության սպառնալիք են։ Լավ, ադրբեջանցուն կոչենք հայատյաց․ բա հային ինչ անուն տանք։
Միգուցե կարոտել եք պոլիտբյուրոյի վերածված քաղաքական համակարգին, որի որոշումները իջնում էին այն կոնվեյերով, որով էլ վերև էր գնում որոշման գինը, տեղեկատու գրեթե ողջ միջոցների լուռ համաձայնությամբ։
Հիմա ասեք, արդար է, երբ լրատվական անարխիայում, որտեղ պոլիտբյուրոն այսօր իրեն զգում է ինչպես ձուկը ծովում, կյանքից դժգոհում է ժամանակին ընդամենը մեկ Ա1 պլյուս չհանդուրժած իշխանությունը․․․ Հաջողություն։ Նվեր Մնացականյան
Տեսանյութը՝ ստորև