Կորոնավիրուսի համաճարակի պատճառով ՌԴ կառավարությունը մարտի տասնվեցին ընդունել է որոշում (№ 635-р)՝ օտարերկրյա քաղաքացիների ու քաղաքացիություն չունեցող անձանց մուտքը ՌԴ ժամանակավորապես սահմանափակելու վերաբերյալ: Ըստ նշված կարգի՝ օտարերկրյա քաղաքացիների մուտքը ՌԴ մինչ հիմա սահմանափակված էր: Այնուամենայնիվ, օտարերկրյա բոլոր քաղաքացիները,

ներառյալ ՀՀ-ի քաղաքացիները, կարող են Ռուսաստան մուտք գործել մի շարք հիմքերով: Մասնավորապես՝ ՀՀ այն քաղաքացիները, ովքեր ունեն կացության թույլտվություն ու օդային անցակետերով ՌԴ մուտք գործողները, հաղորդում է ՌԴ հայերի միության մամուլի ծառայությունը: Հայաստանի այն քաղաքացիները, որոնք ընտանիքի անդամներ են (ամուսիններ, ծնողներ, երեխաներ, որդեգրողներ, որդեգրյալներ),

ՌԴ քաղաքացիների խնամակալներ ու հոգաբարձուներ՝ անձը հաստատող վավեր փաստաթղթերի և ազգակցականության աստիճանը հաստատող փաստաթղթի պատճենի ներկայացման պայմանով: Բուժման նպատակով Ռուսաստան մուտք գործող ՀՀ քաղաքացիները՝ անձը հաստատող վավեր փաստաթղթեր, ինչպես նաեւ բժշկական կազմակերպության կողմից

տրված փաստաթղթեր (թղթերի պատճեններ), որոնք հաստատում են բուժման հրավերը՝ նշելով բուժման ժամանակահատվածը, կամ ՌԴ առողջապահության նախարարության կողմից ձեւակերպված փաստաթղթեր (փաստաթղթերի պատճեններ) ներկայացնելու դեպքում։ ՀՀ այն քաղաքացիները, ովքեր ՌԴ նախագահի 2006թվականի հունիսի քսաներկուսի թիվ 637 հրամանագրով հաստատված Արտերկրում բնակվող

հայրենակիցների կամավոր վերաբնակեցման աջակցության պետական ծրագրի (այսուհետ`Պետական ծրագիր) մասնակիցներ ու մասնակիցների ընտանիքի անդամներ են՝ անձը հաստատող վավեր փաստաթղթեր եւ եւ Պետական ծրագրի մասնակցի վկայական ներկայացնելու պարագայում։ Այն անձինք,

որոնք մուտք են գործում ՌԴ`այցելելու հիվանդ մերձավոր հարազատներին (ամուսիններ, ծնողներ, երեխաներ, որդեգրողներ, որդեգրյալներ), խնամակալներին եւ հոգաբարձուներին` իրենց անձը հաստատող վավեր փաստաթղթեր, ինչպես նաեւ բժշկական կազմակերպության կողմից տրված փաստաթղթեր (փաստաթղթերի պատճեններ) ներկայացնելու դեպքում: Այն մարդկանց ամբողջական ցուցակը,

որոնց ՌԴ կառավարության մարտի 16-ի № 635-р հրամանի հիման վրա թույլատրվում է մուտք գործել ՌԴ, հասանելի է հղումով։ ՌԴ մուտք գործելիս ՀՀ քաղաքացիները պետք է հանձնեն ՊՇՌ թեստ (տեղեկանք)՝ կորոնավիրուսի բացակայության մասին: Թեստի արդյունքները պետք է ստացվեն ՌԴ ժամանելուց ոչ շուտ, քան յոթանասուներկու ժամ առաջ: Որաշման պաշտոնական տեքստին կարելի է ծանոթանալ ՌԴ «Ռոսպոտրեբնադզոր»-ի քաղաքի պաշտոնական կայքում։ Հայաստան մուտք գործելու կանոնները օտարերկրյա քաղաքացիների (այդ թվում՝ ՀՀ քաղաքացիների)

համար՝ Հայաստանի կառավարությունը որոշում է կայացրել բացել ցամաքային սահմանները օտարերկրյա քաղաքացիների համար, որոնց մուտքն արգելվել է կորոնավիրուսի համավարակի դեմ պայքարելու համար սահմանված սահմանափակումների պատճառով: Օտարերկրյա քաղաքացիների համար ցամաքային սահմաններով ՀՀ մուտք գործելու սահմանափակումները հանվել են, այժմ բոլոր օտարերկրացիները կարող են երկիր մուտք գործել ինչպես օդային, այնպես էլ ցամաքային ճանապարհով:

Բոլոր օտարերկրացիներն հիմա կարող են ՀՀ այցելել՝ ունենալով վերջին յոթանասուներկու ժամվա ընթացքում կորոնավիրուսի համար ՊՇՌ թեստի բացասական պատասխան: Օգոստոսին Հայաստանի իշխանությունները թույլ տվեցին օտարերկրացիներին օդային ճանապարհով մուտք գործել: 2020-ի սեպտեմբերի տասնմեկից երկրի ողջ տարածքում գործում է կարանտինային ռեժիմ: Հունվարի տասնմեկին, չնայած էկոնոմիկայի

նախարարության դիրքորոշմանը, որը դեմ էր հանդես գալիս, սահմանափակումները երկարաձգվել են վեց ամսով: Այս պահին հանրապետությունում կորոնավիրուսով վարակվածների թիվը հասել է 163 128-ի (բնակչության 5,6 տոկոսը), վերջին օրվա ընթացքում հայտնաբերվել է COVID-19-ի 485 դեպք: