Ամերիկան պատրաստ է ճանաչել ԱՀ կարգավիճակը: ԱՄՆ Պետքարտուղարի եվրոպական Ու եվրասիական տեղակալ Ջորջ Քենթը Սենատի Միջազգային հարաբերությունների ենթահանձնաժողովում ասել է, որ Հարավային Կովկասում անվտш նգության խնդիրների՝ ԼՂ-ում, Աբխազիայում ու Հարավային
Օսիայում հակամшր տությունների լուծման համար կա համապատասխան կառույց՝ ԵԱՀԿ-ն։ Քենթի խոսքով, 3+3 տարածաշրջանային ձեւաչափը, որն առաջարկել է ՌԴ-ն, մեծ նահանջ է տվյալ արժեքներից։ Քենթը հասկացնել է տվել, որ ԼՂ-ում ռուսական զп րքերի ծավալումը խաղաղապահների տեսքով նշանակում է, որ ՌԴ-ն դիրքեր ունի
Հարավային Կովկասի բոլոր երեք երկրներում։ Սա կարեւոր նկատառում է, մասնավորապես խաղաղապահների պահով։ Մոսկվան համարու՞մ է, որ խաղաղապահներին ԼՂ ուղարկելով դիրքեր է ստացել Ադրբեջանում։ Բանը նրանում է, որ խաղաղապահների մանդատը ստորագրել է Երեւանը, Բաքուն չի ստորագրել տվյալ փաստաթուղթը։ Խաղաղապահները Արցախ են մտել ՀՀ-ից։ ՌԴ-ն համարու՞մ է, որ ԼՂ-ն Հայաստան է։
Պուտինը հայտարարել է, որ քանզի ոչ մեկը չի ճանաչել Ղարաբաղը, նույնիսկ Հայաստանը, ապա միջազգային իրավունքի համաձայն՝ դա Ադրբեջան է։ Ինչպե՞ս են դրան վերաբերվում Երեւանում ու Ստեփանակերտում։ Հայաստանի ու Արցախի ղեկավարությունները պնդում են, որ Արցախի կարգավիճակը որոշված չէ։ Երեւանը պնդում է, որ կարգավիճակը պիտի քննարկվի
ԵԱՀԿ համանախագահության շրջանակում, սակայն չի հրաժարվում եռակողմ ձեւաչափով քննարկումներից։ ԱՄՆ-ն ևս ասում է, որ հարցերը պետք է քննարկվեն ԵԱՀԿ շրջանակում, այլ ոչ թե եռակողմ ձեւաչափով։ Առավել վաղ, ԱՄՆ-ն ՌԴ-ի առջեւ դրել էր եռակողմ հայտարարության ու Թուրքիայի ներգրավման մասին հարցերը։ Այդ հայտարարությունը, ինչպես նաեւ ռուս խաղաղապահների ներկայությունը մնում են օդում կախված իրավիճակում, դրանք
միջազգայնորեն «լեգիտիմացնելու» ռուս-թուրքական փորձերը առայժմ չեն հաջողվում։ «Թուրքիան կգործադրի բոլոր ջանքերը 2020 թ-ի նոյեմբերի 10-ի համաձայնագրի կետերի իրականացման համար», իշխող կուսակցության համագումարին հայտարարել է Թուրքիայի նախագահ Ռեջեփ Էրդողանը։ Եռակողն հայտարարությունը Մոսկվան, Բաքուն և Անկարան համարում են մեծ հաղթանակ։ Ինչ վերաբերում է 3+3 կամ 6-ի պլատֆորմին, դա եռակողմ հայտարարության «հավելված» է ՀՀ ինքնիշխանության վերացման ու ՀՀ տարածքը «անվտш նգության միջանցքներով» մասնատման մասին։ Վրաստանը հրաժարվել է դրանից, պատճառաբանելով ՌԴ հետ խնդիրները, Իրանն առայժմ անորոշ կեցվածք է
պահում։ Վաշինգտոնը ցանկություն ու տեսլական ունի՞, թե ոնց է ռուս-թուրքական ձեւաչափից գործընթացները վերադարձնելու ԵԱՀԿ Մինսկի խմբի համանախագահության մակարդակ։ ԱՄՆ-ն պատրա՞ստ է ճանաչել ԱՀ կարգավիճակը ու անել 1-ին քայլը, թե այդ հարցը լինելու է ընդամենը ՌԴ-ի ու Թուրքիայի «կրկնակի զսպման» քաղաքականության լրացուցիչ տարր։ Մանրամասները տեսանյութում՝